12 ஆண்டுகளாக மதுரை தியாகராசர் கல்லூரி தமிழ்த்துறையில் பணியாற்றிவரும் முனைவர் மு. கற்பகம், மதுரை காமராசர் பல்கலைக்கழகம், திண்டுக்கல் எம்.வி.எம் மகளிர் கல்லூரி, மதுரை பாத்திமா கல்லூரி மற்றும் சிவகாசி ஸ்ரீ காளீஸ்வரி கல்லூரிகளில் பணியாற்றியவர். இவர் 'தமிழில் சாரியைகள்' என்னும் தலைப்பில் ஆய்வு செய்து முனைவர் பட்டம் பெற்றவர். மேலும் தமிழ் இலக்கணங்களில் சாரியைகள், இலக்கண மலர்கள், பந்தயக்குதிரை என்ற நூல்களை எழுதியுள்ளார். இவை தவிர 50 க்கும் மேற்பட்ட ஆராய்ச்சிக் கட்டுரைகள்எழுதியுள்ளார். மதுரை வானொலி நிலையத்தில் பெண்மையின் மேன்மை, பழந்தமிழரின் மாண்புகள், சான்றோர் சிந்தனை குறித்தத் தொடர் பொழிவுகளும் கீழடி குறித்த உரைக்கோவையும் வழங்கியுள்ளார்.